राप्ती आयुर्वेद चिकित्सालयका लागि पठाएको औषधि बुटवलमै अलपत्र, बिरामीको बिचल्ली
दाङ, ३ जेठ । बुटवलमा औषधि अलपत्र परेपछि राप्ती आयुर्वेद चिकित्सालयमा उपचारका लागि आउने बिरामी बिचल्लीमा परेका छन् ।
राप्ती आयुर्वेद चिकित्सालय तुलसीपुरका लागि बिभागले पठाएको ८ कार्टुन औषधि चिकित्सालयले गाडी भाडा तिर्न नसक्दा बुटवलमै थन्किएको हो ।
करिब २ महिनादेखी विभागले पठाएको ८ कार्टुनरु औषधी बुटवलमै अलपत्र परेपछि बिरामीहरुको बिचल्ली भएको छ ।
शान्तिनगर गाउँपालिका ५ रगैजाका ठाकुर प्रसाद रावत उपचारको लागी तुलसीपुर ९ दोघरे राप्ती आयुर्बेद चिकित्सालय गएका थिए । आफ्नो समस्या उनले डाक्टरलाई भने ।
रावतको समस्या बुझेपछि डाक्टरले ५ किसीमको औषधि लेखिदिए । तर रावतले ति सबै औषधि भने पाएनन् ।
तुलसीपुर ९ की कमला सापकोटाको पनि व्यथा उस्तै छ । तुलसी र रावत जस्ता दैनिक सयौ विरामहरु आयुर्वेद आउँछन् । तर, औषधिको अभाव भएपछि उनीहरु निराश भएर फर्कन बाध्य छन् ।
चिकित्सालयले निशुल्क औषधि बितरण पनि गर्छ । तर पर्याप्त औषधी भने छैन ।
गाडिको भाडा तिर्न चिकित्सालयले सहयोगका लागि तुलसीपुर उपमहानगरपालिका सँग गुहार मागेको भएपनि सुनुवाई नभएको चिकित्सालयका वैद्य मन्जीतकुमार यादवले बताए ।
यता गत बर्ष मंसीरदेखी चिकित्सालयमा ल्याव सेवा शुरु गरिएको भएपनि केमिकल र भौतिक संरचनाको अभावमा समस्या देखिएको छ । आर्थिक र दक्ष जनशक्तिको पनि समस्या नै रहेको छ ।
२००६ सालमा आयुर्बेद केन्द्रको रुपमा स्थापना भएको हो ।
हालको चिकित्सलाई तुलसीपुर उपमहानगरपालिकाले बजेटको आश्वसान भने दिदै आएको छ । तर त्यो आश्वासन पुरा भने कहिले हुने हो थाहा नभएकोे चिकित्सालयका ल्याव असिस्टेन महेश वलीले बताए ।
अस्पताल नगरपालिकाको मातहतमा गएपछि हरेक कुराको लागी नगरपालिकामा जानुपर्ने भएकाले समस्या भएको चिकित्सालयको भनाइ छ ।
