बुटवलमा १५ शैयाको नयाँ अस्पताल सञ्चालनमा
रुपन्देही १८ चैत्र मेडिकल सिटीको रुपमा परिचित प्रदेश ५ को बुटवलमा नयाँ अस्पताल सुरु भएको छ । २ करोड भन्दा बढीको लगानीमा १५ शैयाको साझा अस्पताल प्रालि सञ्चालनमा ल्याईएको हो ।
अस्पतालका अध्यक्ष डा. शान्ता शर्माले आफ्नै भवनमा १५ शैयाको २ करोडभन्दा बढीको लगानीमा अस्पताल सञ्चालनमा ल्याएको बताइन । डा शर्माका अनुसार नेपाल सरकार स्वास्थ्य मन्त्रालयको मापदण्ड अनुसार अस्पताल सुरु गरिएको हो ।
१४ जना विशेषज्ञ चिकित्सक सहित २४ सै घण्टा सेवा प्रदान गर्ने गरी अस्पताल सञ्चालनमा ल्याइएको सञ्चालक डा. इन्द्र ढकालले वताए । सेवा आरम्भ गरेको अवसरमा अस्पतालले निःशुल्क विशेषज्ञ परामर्श सेवा समेत प्रदान गर्ने भएको छ । साझा जनरल होलबडी प्योकजमा २ हजार २सय, साझा होल बडी स्पेशल प्योकजमा ३ हजार ५ सय रुपैयाँमा सेवा उपलब्ध गराइने भएको डा. ढकालले बताए ।
अस्पतालमा मेडिकल, सर्जिकल, हाडजोर्नी, स्त्रीरोग, नशा रोग, बालरोग लगायतका सेवा प्रदान गरिने छ । आवश्यक्ता अनुसार आईसीयु, एनआईसीयुको सेवा सहित एम्बुलेन्स समेत सञ्चालन गर्ने योजना बनाइएको अस्पतालले जनाएको छ ।
