मुख बांगिनु गम्भीर रोग होइन (भिडियोसहित)
एक्कासी मुख बांगिने वा टेडिने बेल्स पाल्सी समस्याले धेरैलाई सताएको हुन्छ । यो रोग कतै हृदयघात वा स्टोकको संकेत त हैन् भनेर धेरै अत्तालिने गर्छन् । यस्तो समस्या किन हुन्छ र एक्कासी मुख बाङ्गिए के गर्ने भन्ने विषयमा डाक्टर सुनिल पौडेल यस्तो सुझाब दिन्छन :
अनुहार बांगिने अर्थात बेल्स पाल्सीका बिरामीहरू पछिल्लो समय बढीरहेका छन् । हाम्रो समाजमा यो रोगबारे धेरै भ्रमहरू पनि रहदै आएको छ । यस्तो समस्या देखिएपछि बिरामीलाई पक्षघात हुन्छ, हृदयघात वा स्टोक हुन्छ भन्ने भ्रम पनि छ । यस्तो भ्रमका कारण पनि यो समस्याको त्रास बढ्दो छ । तर, यो समस्या गम्भीर प्रकृतिको रोग होइन् ।
अनुहारको सातौं नम्बरको नसामा कुनै संक्रमण भए या नशामा अबरोध आए अनुहारको पक्षघात (बेल्स पाल्सी) हुन्छ ।
कारण :
यो रोग लाग्ने ठोस कारण र उपचार बारे अझैसम्म प्रष्ट भइसकेको छैन् । यद्यपि, अनुहारको नशामा हुने संक्रमण नै यसको प्रमुख कारण हो ।
- अनुहारमा आउने नसामा संक्रमण हुनु ।
- भाइरल संक्रमण ।
- बढी चिसो ।
- अनुहारमा गहिरो चोटपटक लागे ।
लक्षणहरू :
- अनुहार बांगिने ।
- आँखा खोल्न वा चिम्लन गाह्रो हुने ।
- मुखबाट र्यार बगिरहने ।
- बोल्न गाह्रो हुने ।
- खाना खान गाह्रो हुने । मुखमा राखे पनि खाना एक साइडमा गएर थुप्रिने ।
- बांगिएको भाग दुख्ने ।
बच्ने उपाय :
- विभिन्न संक्रमणबाट बच्ने ।
- बाइक वा सवारी साधानमा यात्रा गर्दा तथा चिसोको समयमा कान छोप्ने गरि गलबन्दी लगाउने ।
- पटक पटक रुघाखोकी लाग्नबाट बच्ने ।
- स्वस्थ खानपान गर्ने ।
उपचार विधीः
अनुहार बांगिने समस्यमा देखिनासाथै मानिसहरूमा अब प्यारालाईसिस् हुन लाग्यो भन्ने त्रास हुन्छ । यो समस्या कै कारण शरीरमा पक्षघात हुुदैन् । यस्तो समस्याको पहिलो उपचार भने कै नआत्तिनु हो । समस्या देखिने बित्तिकै नजिकैको अस्पताल वा स्वास्थ केन्द्रमा जानु पर्छ । अधिकांश व्यक्तिले आफै ठीक हुन्छ भनि बेवास्ता गर्ने पनि गर्छन । लापर्वाहीले यो समस्या झन् बढ्न सक्छ । यो समस्याको निधानको लागि फिजियोथेरापी निकै प्रभावकारी उपचार मानिन्छ । तर थेरापी वा कुनै पनि उपचार गर्दा विशेषज्ञको सल्लाह अनुरुप गर्नु पर्छ ।
भिडियो हेर्नुस् ।
बासुदेव न्यौपाने हाम्रो डक्टरमा संवाददाता एवं डेस्क सम्पादकका रुपमा कार्यरत छन् ।
View Other Stories by Author >>